‘Hindi... Tu Tension Na Le’: Come, Let’s Celebrate Your Bhasha

Join Quint Hindi and Google in celebrating your regional languages with Bol - Love Your Bhasha.

Published
Videos
2 min read

Script: Abhinav Nagar
Cameraperson: Sanjay Deb
Assistant: Guatam Sharma
Editor: Veeru Krishna Mohan
Producer: Divya Talwar

Hindi… Tu Tension na le!

Kabhi phirangi, kabhi swadesi, aayenge daraane vaale

Meri najar se dekho, to teree raah mein phaile bas ujaale

Hindi… tu tension na le!

Ai bhaasha hindustani, tu 22 jubaanon ko jodata ek pul hai

Tu gaana superhit, picture houseful hai

Tu dakshin se pashchim ke beech guphtagoo hai

Rail kisee disha chale, sang chalati tu hai

Tujhe maine door andamaan mein bhi suna hai, tujhe bolakar maine anjaanon se rishta buna hai

Tu tootee phootee sahee, har praant mein chal jaatee hai

Jis jubaan pade, us jubaan dhal jaatee hai

Tu bin bolee rishvat hai, tu desh kee aadat hai

Tu chai ke sang chhan jaatee hai, akhabaar se vichaar ban jaatee hai

Tu pehli likhee shaayari hai, tu raunak-e-daayaree hai

Tu radio kee commentary hai, achaanak nikala ‘O Teri’ hai

Tu english kee class mein chupake se kee hansee-thitholee hai

Tu chunaav ka naara hai, netaon ki bolee hai

Tu gaadee ke band sheeshon mein nikalee dil kee bhadaas hai

Tu hamaara sach hai, ‘sophistication’ ka jab utarata libaas hai

Urdu kee sohabat mein, too mehfilon ka taraana hai

Angreji tujhse dostee chaahe, use ‘Masses’ tak jo jaana hai

Tu ads kee tagline hai, WhatsApp pe aaya har teesara joke hai

Teri khoobsurati ye hai ki tu be-rok tok hai

Tujhe bolne se pehle hindustaani sochata nahin hai

Tujhe sahee bolen ya galat, koee ijjat nochata nahin hai

Tujhe khatara hai bhi agar, to hai apane hee matvaalon se

Subway ko ‘paidal paarpath’ likhane vaalon se

Sarkaaree file-on mein ghutatee hai jo saalon se

Aise bhaasha ke svayambhoo rakhavaalon se

Teri raah hai roshan, jo tere rakhavaale hee na bane pairon ke chhaale

Hindi… Tu Tension na le!

Bol – Love Your Bhasha

On 18 September 2018, our special event Bol – Love Your Bhasha will bring together several personalities who have played a key role in giving Indian languages their due place on the web.

We’ll talk about the future of Indian languages and the challenges that lie ahead.

Watch out for Bol – Love Your Bhasha!

(The Quint is available on Telegram. For handpicked stories every day, subscribe to us on Telegram)

Stay Updated

Subscribe To Our Daily Newsletter And Get News Delivered Straight To Your Inbox.

Join over 120,000 subscribers!