Sewa mein,
Run Loola Run,
PVP Yaani Adhyaksh Parivarvaadi Party,
Patna ,Bihar
Vishay: Shapath Samahroh mein Grehan Lagane ke liye Cogresstualations
Priya Looloo Ji,
Kaan ke baal kheench ke pranam. Arz kiya hai barbaad gulistaan karne ko bas ek hee lal...ulloo kaafi hai..har shakh pe ulloo baitha hai, anjamegulistan kya hoga.
Aapka corruption se hara bhara career lagbhag khatm tha lekin jiss tarah se janta ne wapas aapko gaddi pe bithaya hai..usspe sirf yahi kahoonga..democrazy zindabad.
Aap ke ek sapoot shapath lete mein apekshit ko upkeshit padh rahe thei...pehli baar dekha ki koi shapath lete mein bhi fail ho sakta hai...jabki farra haath mein tha...
Aapse aur aapke saputro se ye apkeshit hai ki woh apne Rajya ki janta ki jee bhar ke upeksha karenge.
Looloo ji kursi pe baeth ke aapne Jo kamal dikhaye hain woh aaj tak janta nahi bhooli. Aapke raj mein sab ko barabari kar darja mila..chahe insaan ho ya janwar..ek time aesa aaya ki insaan aur janwar ke beech farq Karna mushkil ho Gaya...aur aapne bhi gaye bhainson ka chara kha ke ye sabit kar diya...ki aap janwaron ko apne barabar hee mante hain.
Ek baar phir aapko aur aapke mahathagbandhan ko dher saari shubhkamnayein..aap aur aapke sapoot, issi tarah aapki aanewali generations ka bhala karte rahein...
Aapka Chamcha,
Saurabh
(At The Quint, we are answerable only to our audience. Play an active role in shaping our journalism by becoming a member. Because the truth is worth it.)