Dear India, Aaj ke Iss Yug Mein Kisse Pata Tha ki Yeh din Aayega

A poem for dear India.

(Photo:iStock/ altered by The Quint)

Dear India,

Aaj ke iss yug mein kisse pata tha ki yeh din bhi aayega...

Jab mar raha koi raaste pe aur koi dusra madad karne ke bajaaye bass video banaata reh jaayega...

Bhuke ko roti toh kissi se di nahi jaati par woh dayaalu hone ka dhong badhaa dikhlaayega...

Chaahe khud kitni haraam ki roti kyu na khaata ho...

Par usoolo par bhaashan dekh kar apne mehelo mein sojaayega...

Kisi ki zameen hadhap kar apne bade buildings woh wahan banaayega...

Aur apne bachcho ko moral values sikhaane ke jagah bass paise ginna sikhaayega...

Kabhi Allah kabhi Ram ke bhakto mein bass bhaashan deke dange karwaayega...

Aur phir unhi dharmo ki ekta par dhong peete apni vote bank puri kar jaayega...

Kissi gali se seeti bajaakar woh uss ladki ko puri haiwaanjyaat se ghoor jaayega...

Aur apni behen ko pyaar karne wale ladke woh ussi shaam peetkar aajaayega...

Jahaa sarkaar bole wahan camera liye zarur pohoch jaayega...

Aur shaam tak apne show par vaad vivaad ka bakhaida khadaa karke woh unhi logo ke saath do ghut jaam ke lagaayega....

Kargil Vijay Divas aur Army day jaise dino ko woh bilkul bhul jaayega...

Lekin cinema theatre mein raashtra geet bajaane par duniyaa se lad jaayega...

Kabhi dil ko chhu jaane wali baat woh zarur keh jaayega...

Phir ussi shaam apne PA ko ek aur bhaashan banaane ke kaam pe lagaayega...

Kya pata kab iss duniyaa mein aaya....

Kya pata uska swargwaas kab ho jaayega....

Lekin ek baat zarur kahungaa aapse....

Ki agar aisa chaltaa raha toh yeh desh mitti ka nahi bass patthar dilo ka banke reh jaaayega!

Love,

Akshay Peddiwar